unionbank.al
+35542389111Një eksperiencë e re digjitale në Union Bank
Zbulo dy aplikacione të dedikuara për ty dhe biznesin tënd. Shkarko aplikacionin Union Bank Live dhe Union Bank Business, dhe kryej veprime bankare në liri të plotë, shpejt dhe sigurt nga kudo ku ti ndodhesh.
Çfarë ofron aplikacioni i ri:
- Dizajn modern
- Eksperiencë përdorimi e thjeshtuar
- Dy platforma të dedikuara për Individë dhe Biznes
- Funksione të reja dhe të përmirësuara
- Teknologji e re dhe e përmirësuar për sigurinë me verifikimin e dyfishtë
- Aktivizimi i më shumë se një përdoruesi në të njëjtin aplikacion
- Kurs këmbimi transparent për pagesat në monedha të huaja
- Transferta të brendshme në kohë reale dhe pa komision
- Transferta kombëtare dhe ndërkombëtare më të lehta, me validim automatik të IBAN-it dhe gjenerim të menjëhershëm të kodit SWIFT
- Përditësim i të dhënave personale nga vetë aplikacioni
Platforma e re digjitale sjell një seri funksionesh të reja dhe përmirësime që synojnë të ofrojnë një eksperiencë më të sigurt dhe më të personalizuar për klientin duke thjeshtuar përvojën bankare.
Për të mësuar më shumë mbi funksionet dhe përmirësimet që aplikacioni i ri ofron klikoni butonin:
Si të aktivizoni aplikacionin e ri?
Për të nisur procesin e aktivizimit të platformës së re digjitale ndiqni këto hapa:
- Shkarkoni aplikacionin e ri Union Bank Live për klientët Individë dhe Union Bank Business për klientët Biznes.
- Ndiqni udhëzimet në Video Tutorialin ose Manualin e Aktivizimit të përgatitur për klientët Individë dhe Biznes për të vijuar me aktivizimin.
Manual dhe video tutoriale
Platforma e re digjitale sjell për të gjithë klientët një seri funksionesh të reja dhe një përvojë digjitale të përmirësuar.
Ju ftojmë të ndiqni video tutorialet dhe manualet e përgatitura me udhëzimet përkatëse për të lehtësuar kryerjen e veprimeve tuaja të përditshme:
Për të mësuar më shumë mbi Kushtet e Punës të platformës digjitale Union Bank, klikoni këtu:
Kontakt
Për informacione si dhe asistencë lidhur me Platformën Digjitale Union Bank, ju lutem na kontaktoni në:
E-mail: [email protected]
Tel: +35542389111
Pyetje të shpeshta
Aplikacionet Union Bank Live dhe Union Bank Business mund të shkarkohen falas:
- Në App Store për pajisjet iOS.
- Në Play Store për pajisjet Android.
Sigurohuni që keni shkarkuar aplikacionin e duhur sipas segmentit – Union Bank Live (Individ) ose Union Bank Business (Biznes).
Klientët Individë:
- Zgjidhni “Jam përdorues ekzistues”.
- Vendosni Emrin e Përdoruesit. Nëse s’ju kujtohet, zgjidhni “Kam harruar emrin e përdoruesit”.
- Vendosni kodin e verifikimit në e-mail.
- Vendosni kodin e verifikimit në SMS.
- Verifikoni identitetin: skanoni ID/Passaportën dhe më pas fytyrën.
- Hyni me Face ID ose Fingerprint.
Klientët Biznes: Ndiqni të njëjtët hapa si më sipër.
Klientët Biznes: regjistrimi kryhet vetëm në degët e Union Bank.
Klientët Individë:
- Shkarkoni aplikacionin Union Bank Live në App Store ose Play Store.
- Zgjidhni “Jam përdorues i ri”.
- Krijoni emrin e përdoruesit, më pas vendosni numrin personal të ID-së.
- Vendosni kodin e verifikimit në e-mail.
- Vendosni kodin e verifikimit në SMS.
- Verifikoni identitetin: skanoni ID/Passaportën dhe më pas fytyrën.
- Hyni me Face ID ose Fingerprint.
- Klientët Individ: Nuk ka më komisione mujore mirëmbajtjeje.
- Klientët Biznes: Tarifat mbeten të pandryshuara; komision mirëmbajtje mujore 200 Lekë në nivel NIPT-i dhe komisioni fillestar i aplikimit 500 Lekë për secilin përdorues të një NIPT-i.
- Elementë biometrikë të sigurisë të aktivizuar (Face ID, Fingerprint).
- Gjuha e pajisjes të jetë anglisht ose shqip.
Emri i përdoruesit vendoset vetëm një herë gjatë regjistrimit. Nëse nuk e kujtoni, përdorni opsionin “Kam harruar emrin e përdoruesit” për rikuperim. Në hyrjet e tjera, emri shfaqet automatikisht.
Po. Mund të kryeni transferta apo pagesa 24/7. Pagesat kombëtare dhe ndërkombëtare ekzekutohen sipas orareve të përpunimit të transfertave të bankës.
Pasi transaksioni të regjistrohet me sukses, shfaqet një numër reference. Ky numër unik është dëshmi që pagesa ka nisur.
Shkarkoni përsëri aplikacionin në pajisjen e re dhe ndiqni hapat e aktivizimit.
Po. Çdo ndryshim përditësohet në sistemin qëndror të Union Bank.
Po. Gjatë vendosjes së një IBAN-i, sistemi verifikon automatikisht vlefshmërinë, sinjalizon nëse është i pasaktë dhe plotëson kodin e saktë SWIFT.
SELinux (Security-Enhanced Linux) është një veçori sigurie e integruar në pajisjet Android. Ai ndihmon në mbrojtjen e telefonit dhe të dhënave tuaja të ndjeshme si informacioni bankar duke kufizuar mënyrën se si aplikacionet dhe proceset ndërveprojnë me sistemin.
Nëse SELinux është i çaktivizuar, pajisja juaj bëhet më e cenueshme ndaj aplikacioneve të dëmshme ose hyrjeve të paautorizuara. Kjo mund të rrezikojë të dhënat personale dhe përdorimin e aplikacioneve bankare.
Çfarë duhet të bëj?
Riaktivizimi i SELinux është një procedurë teknike e ndërlikuar që kërkon njohuri të specializuara. Për sigurinë tuaj, ju rekomandojmë që të mos e ndryshoni vetë këtë cilësim. Ju lutemi, kontaktoni një ofrues shërbimi të kualifikuar ose një qendër zyrtare të autorizuar nga prodhuesi i pajisjes për të aktivizuar sërish SELinux në mënyrë të sigurtë
Ju mund të zgjidhni gjithashtu të pranoni rrezikun dhe të vazhdoni të përdorni aplikacionin tonë, por ne rekomandojmë që të mos përdorni aplikacionin në pajisje që kanë të caktivizuar SELinux.
Certifikatat SSL përdoren për të siguruar komunikimin midis pajisjes suaj dhe shërbimeve online. Nëse në pajisjen tuaj është instaluar një certifikatë SSL e rreme ose e pasigurt, ajo mund t’u lejojë palëve të treta të përgjojnë ose manipulojnë trafikun tuaj të internetit. Kjo rrezikon seriozisht të dhënat tuaja personale dhe aktivitetet bankare.
Çfarë duhet të bëj?
Për mbrojtjen tuaj, qasja është bllokuar përkohësisht derisa të zgjidhet problemi. Ne ju rekomandojmë fuqimisht të:
- Hapni Cilësimet (Settings) të pajisjes.
- Shkoni te Siguria (Security) → Encryption & Credentials → User Trusted Certificates.
- Kontrolloni për çdo certifikatë të panjohur ose të dyshimtë.
- Hiqni certifikatën për të rivendosur një mjedis të sigurt.
Nëse nuk jeni të sigurt se cilën certifikatë duhet të hiqni, ju këshillojmë të kërkoni ndihmë nga një servis të kualifikuar ose një qendër e autorizuar nga prodhuesi i pajisjes.
Siguria juaj është prioriteti ynë, dhe heqja e certifikatës së rreme do të ndihmojë të siguroni qasje të sigurt në aplikacionin tuaj bankar.
Pajisja juaj ka zbuluar një dyqan aplikacionesh që nuk vjen nga një burim zyrtar si Google Play Store ose Apple App Store. Dyqanet e palëve të treta mund të shpërndajnë aplikacione që nuk janë verifikuar për siguri. Instalimi ose përditësimi i aplikacioneve nga këto burime mund të rrezikojë pajisjen tuaj dhe të dhënat personale, përfshirë informacionin e ndjeshëm bankar.
Çfarë duhet të bëj?
Për mbrojtjen tuaj, ju rekomandojmë fuqimisht që të çinstaloni këtë dyqan aplikacionesh të palës së tretë:
- Hapni Cilësimet (Settings) të pajisjes.
- Shkoni te Aplikacionet (Apps) ose Menaxhimi i aplikacioneve (Application Manager).
- Gjeni dyqanin e aplikacioneve me emrin e tij.
- Zgjidheni dhe shtypni Çinstalo (Uninstall).
Nëse opsioni për çinstalim nuk është i disponueshëm, ju këshillojmë të kërkoni ndihmë nga një servis të kualifikuar ose një qendër e autorizuar nga prodhuesi i pajisjes.
Përdorimi vetëm i dyqaneve zyrtare të aplikacioneve siguron që ju të shkarkoni aplikacione të besueshme që plotësojnë standardet e sigurisë, duke mbrojtur të dhënat dhe përdorimin e aplikacionit tuaj bankar.
Ju mund të zgjidhni gjithashtu të pranoni rrezikun dhe të vazhdoni të përdorni aplikacionin tonë, por ne rekomandojmë që të mos përdorni aplikacione të tilla.
Pajisja juaj ka të aktivizuar cilësimin Opsionet e Zhvilluesit (Developer Options). Ky funksion është i krijuar për testim dhe zhvillim softueri. Kur është i aktivizuar, ai lejon qasje në kontrolle të avancuara të sistemit që mund të ulin nivelin e sigurisë së pajisjes. Mbajtja e këtij opsioni të aktivizuar mund të rrezikojë të dhënat tuaja personale dhe bankare.
Çfarë duhet të bëj?
Për mbrojtjen tuaj, ne ju rekomandojmë të çaktivizoni Opsionet e Zhvilluesit:
- Hapni Cilësimet (Settings) e pajisjes.
- Lëvizni poshtë dhe gjeni Opsionet e Zhvilluesit (Developer Options).
- Vendoseni butonin e Developer Options në gjendjen Off.
Nëse Opsionet e Zhvilluesit nuk shfaqen, kjo do të thotë se ato janë tashmë të çaktivizuara.
Ju mund të zgjidhni gjithashtu të pranoni rrezikun dhe të vazhdoni të përdorni aplikacionin tonë, por ne rekomandojmë që të mos përdorni konfigurime të tilla.
Një aplikacion në pajisjen tuaj është pajisur me leje të Administratorit të Pajisjes (Device Administrator permissions). Këto leje të veçanta japin kontroll të avancuar mbi telefonin, si aftësinë për ta bllokuar ose fshirë të dhënat, dhe gjithashtu mund të lejojnë ndarjen e kontakteve, mesazheve dhe informacioneve të tjera pa dijeninë tuaj. Ky nivel qasjeje mund të ulë sigurinë e përgjithshme të pajisjes dhe të rrezikojë të dhënat tuaja personale dhe bankare.
Çfarë duhet të bëj?
Për mbrojtjen tuaj, ne ju rekomandojmë të hiqni lejen e Administratorit të Pajisjes për aplikacionin:
- Hapni Cilësimet (Settings) e pajisjes.
- Shkoni te Siguria (Security) → Administratorët e Pajisjes (Device Administrators) (ose Device Admin Apps, në varësi të pajisjes).
- Gjeni aplikacionin e dyshimtë ose të panevojshëm në listë.
- Çaktivizoni lejen e tij Device Admin.
Nëse është e nevojshme apo aplikacioni nuk ju duhet me, mund ta çinstaloni.
Ju mund të zgjidhni gjithashtu të pranoni rrezikun dhe të vazhdoni të përdorni aplikacionin tonë, por ne rekomandojmë të mos përdorni konfigurime të tilla.
Pajisja juaj aktualisht nuk është e enkriptuar. Enkriptimi mbron të dhënat e ruajtura në telefon duke i kthyer ato në një format të sigurt, që nuk mund të aksesohet lehtësisht pa fjalëkalimin ose çelësin e duhur. Pa enkriptim, të dhënat tuaja personale dhe bankare mund të ekspozohen nëse pajisja humbet, vidhet ose komprometohet.
Çfarë duhet të bëj?
Për mbrojtjen tuaj, ne ju rekomandojmë të aktivizoni enkriptimin e pajisjes:
- Hapni Cilësimet (Settings) e pajisjes.
- Shkoni te Siguria (Security) (ose Siguria & Privatësia (Security & Privacy), në varësi të pajisjes).
- Zgjidhni Enkripto telefonin (Encrypt phone) (ose Encryption & credentials).
- Ndiqni udhëzimet në ekran për të përfunduar procesin e enkriptimit.
Shënim: Enkriptimi mund të zgjasë disa minuta dhe pajisja duhet të jetë e karikuar plotësisht ose e lidhur me nje burim energjie elektrike (karikues) gjatë procesit.
Ju mund të zgjidhni gjithashtu të pranoni rrezikun dhe të vazhdoni të përdorni aplikacionin tonë, por ne rekomandojmë qe te mos e përdorni atë në një pajisje të pa enkriptuar.
