Paradhënia Bankare
Paradhënia Bankare është një linjë financimi e alokuar në llogarinë rrjedhëse e cila lejon përdorimin e fondeve shtesë deri në limitin e aprovuar (Overdraft).
Karakteristikat
kryesore:
– Financim i shpejtë;
– Mundësohet në disa monedha EUR, LEK dhe USD;
– Interesi paguhet vetëm për shumën e përdorur;
– Fleksibilitet në kohëzgjatje nga 1-24 muaj;
– Financim i rinovueshëm; – Financim automatik mbi qarkullimin në llogaritë rrjedhëse.
Kredi për kapital qarkullues
Kredia për kapital qarkullues është një kreditim afatshkurtër që përdoret për financimin e nevojave korrente të aktivitetit të biznesit. Kapitali Qarkullues mundëson një financim deri në 36 muaj të nevojave operacionale të biznesit (blerje inventari, ripagim të furnitorëve etj.).
Karakteristikat
kryesore:
– Financim deri në 14,000,000 Lek, ekuiv. EUR/USD;
– Afati i kredisë deri në 3 vite;
– Plotësim i nevojave për likuiditet
– Thjeshtësi në dokumentacion;
– Harmonizim i ciklit të biznesit
– Shlyerja e kredisë me këste të përballueshme nga biznesi.
Kredi për investime
Kredia për investime ofron mundësinë e financimit të nevojshëm për të mbështur zgjerimin dhe/ose zhvillimin e biznesit nëpërmjet investimive në asete fikse afatgjata si: blerje pajisjesh dhe/ose ambiente biznesi, ndërtesa, makineri, pajisje etj.
Karakteristikat
dhe avantazhet:
– Periudhë ripagimi deri në 144 muaj;
– Skema të ndryshme ripagimi, në varësi të tipit të biznesit dhe investimit që po kryhet.
– Mundësohet në disa monedha EUR, LEK dhe USD.
– Financim deri në 80% të vlerës të investimit.
Garanci bankare dhe Letër kredi
Garancia Bankare është një angazhim i pakthyeshëm me shkrim i bankës lëshuese (garantori), i lëshuar në emër të aplikantit dhe në favorin e palës përfituese, për të kryer pagesën deri në shumën e specifikuar në garanci në favorin e përfituesit, kundrejt marrjes së një kërkese të rregullt për pagesë, me shkrim nga përfituesi, në rastin e mospërmbushjes nga ana e aplikantit të detyrimit që është objekt i kësaj garancie.
Llojet e garancive
bankare:
– Garanci Pagese – lëshohet për llogari të aplikantit për të garantuar pagesën e mallrave dhe shërbimeve në favor të përfituesit.
– Garanci për pagesë paraprake (parapagimi) – lëshohet për llogari të aplikantit për të garantuar përdorimin e shumës së parapaguar në përputhje me kontratën.
– Garanci Ofertë – lëshohet për llogari të aplikantit për pjesëmarrje në tender.
– Garanci Kontrate – lëshohet për llogari të aplikantit për të garantuar përmbushjen e detyrimeve kontraktuale.
– Garanci për Magazinë Doganore.
